|
"
الرئيسية
(وله)لحظة مادخلت القصر كان ابوها يتغدى أنبسطت لوول
وراحت لعنده وسلكت على راسه :شلونك يبى
سلطان:هلا والله بأميرتي شلونك؟
(وله):الحمدلله زينه
سلطان:أجلسي تغدي معي
(وله)ماودها تكسر خاطره لانه نادرا جداًًًًًً يطلب هذا
الشي وحركت الكرسي وجلست
سلطان:ها يابنيتي كملي جهازك وانا عندي علم ان الشيك عندك
واذا محتاجه انا كلي لك
(وله)بسرعه:لا يابوي تسلم وربي مايحرمني منك وإن شاء الله
أحاول أقدم إجازه للجامعه
من الان ويصير أروح السوق الصباح والمسا
سلطان:(له)انتي أكيد مرتاحه للرجال؟؟
(وله)تنحت فيه وأعجبت بإهتمامه وقالت بالرغم من تصرفات
سعود:الحمدلله أكيد مرتاحه وهو اليوم بيجي عندي.
سلطان:متى؟
(وله): امممم بعد صلاة العشا بإذن الله
سلطان ببرود:أهاااا
(وله)وهي تتطالع بالاكل قالت:يبى انا عندي شرط واحد
سلطان :خيررر
(وله)وهي خايفه:أنا ودي حفل زفافي يكون هنا في بيتنا
ابوها وهو منصدم :نعم!!
(وله)بصوت مبحوح من الفجعه:انا ابي اتزوج هنا ,,,وكانت
تأشر براسها على الصالون
ابوها يتغير مالامحه للصرامه:وليه إن شاء الله ؟؟
(وله)بترجي حار لأبوها:ارجوك يبى هذا طلبي الاول والاخير .
سلطان فكر ان هذه بنته الوحيده وهذا الاسبوع احتمال اخر
مره يشوفها قال:الله يوفقك وطلبك جاك.
(وله)دمعت عينها من الفرحه لانها ماكانت متوقعه هذا الشي
من ابوها وقامت وباست راسه وخده :وربي انك اروع أب في الدنيا
سلطان ضحك غصب عنه وقال:انت إالى الان ماحطيتي شي بفمك؟
(وله)من الفرحه اكلت بالرغم انها شعبانه موووت .
وبعدين:يبى انا اترخص منك لاني تعبانه وودي ارتاح شوي.
سلطان:انتبهي لنفسك ولا تجهدينها لانك عارفه ا نه وراك
زواج.
(وله)ابتسمت وأخذت اغراضها وطلعت لغرفتها لانها كانت ناويه
تزف الخبر الحلة لسعود لكنها أجلتها وبتقوله ساعة مايجيها .
واخذت شور سريع ولبست بجامه وصلت العصر ورمت حالها على
السرير بعد ماضبطت المنبه عشان تقعد وتتضبط لسعود.
************************
بعد رنين المنبه للمره الخامسه مد يده وأخذ الجوال وحط حذف
للمنبه وقام سعود على الحمام وأخذ شور ولبس وتكشخ وتعطر ونزل لتحت وكان في
الصالون أمه وأمان والشغاله لأانها دايم تسولف معهم لكن اول ماشافت سعود
بسرعه دخلت على المطبخ لأانه ميحب انها تترزز قدامه ... سعود سلم عليهم .
أمه سلمت عليه وحيت فيه .
أمان :وعليكم السلام مابغينا نشوفك.
سعود طنشها:كيفك يمى أش اخبارك يالغاليه؟
